ایرانی وزارت خارجہ کے ترجمان اسماعیل بقائی نے کینیڈین وزیراعظم مارک کارنے پر تنقید کی ہے۔ ان کا کہنا ہے کہ کینیڈین وزیراعظم نے امریکا کی مبینہ کارروائیوں کی مذمت کرنے کے بجائے امریکی صدر کی ایران کو تباہ کرنے کی دھمکی کو صرف "جنگ کی زبان” قرار دیا۔
ایرانی وزارت خارجہ کے ترجمان اسماعیل بقائی نے کینیڈین وزیراعظم مارک کارنے پر تنقید کرتے ہوئے کہا ہے کہ انہوں نے امریکی صدر کے ایران سے متعلق سخت بیان کو نرم انداز میں پیش کرنے کی کوشش کی۔
اسماعیل بقائی کا کہنا تھا کہ کسی طاقتور ملک کا ساتھ دینے سے دوسرے ممالک دباؤ سے محفوظ نہیں ہوسکتے۔ ان کے مطابق ایران دباؤ کے سامنے جھکنے کے بجائے اپنے مؤقف پر قائم رہے گا۔
انہوں نے کہا کہ عالمی معاملات میں طاقت کے بجائے دلیل، عزت اور اصولوں کو اہمیت دینی چاہیے۔
