اسلام آباد: سکیورٹی ذرائع کا دعویٰ ہے کہ افغان طالبان حکومت کی جانب سے پاکستانی فضائی حدود میں داخل ہونے کی کوشش کرنے والے 8 ڈرونز مار گرائے گئے۔
ذرائع کے مطابق 4 ڈرونز طورخم بارڈر سے ملحقہ علاقوں جبکہ دیگر 4 کوہاٹ سے متصل سرحدی پہاڑی علاقوں میں گرائے گئے۔
سکیورٹی ذرائع: افواج پاکستان اور پاک فضائیہ نے عوامی مقامات کو نشانہ بنانے کی مبینہ کوشش ناکام بنا دی۔
ذرائع کا کہنا ہے کہ گزشتہ رات بھی کرم سیکٹر میں افغان طالبان کے متعدد مورچوں اور ٹھکانوں کو جوابی کارروائی میں نشانہ بنایا گیا۔
سکیورٹی ذرائع: افواج پاکستان ملک اور عوام کے دفاع کے لیے ہمہ وقت تیار ہیں۔
