ٹرمپ کی نیتن یاہو کی حمایت، اسرائیلی ووٹرز سے ووٹ دینے کی اپیل
امریکی صدر ڈونلڈ ٹرمپ نے اسرائیلی پارلیمانی انتخابات سے قبل ایک بار پھر وزیراعظم بنیامین نیتن یاہو کی حمایت کرتے ہوئے ووٹرز سے انہیں منتخب کرنے کی اپیل کی ہے۔
ٹرمپ نے سوشل میڈیا پلیٹ فارم ٹروتھ سوشل پر کہا کہ نیتن یاہو کے ساتھ ان کے تعلقات اچھے رہے ہیں اور دونوں نے مشترکہ فوجی کارروائیوں میں کامیابیاں حاصل کی ہیں۔
انہوں نے دعویٰ کیا کہ امریکی اور اسرائیلی کارروائیوں نے ایران کی فوجی صلاحیتوں اور جوہری عزائم کو شدید نقصان پہنچایا ہے۔
ٹرمپ نے ایران کی بحریہ، فضائیہ، معیشت اور فوجی قیادت کو درپیش مشکلات کا بھی ذکر کیا۔
امریکی صدر نے نیتن یاہو کو جنگی حالات کے لیے موزوں اور غیر معمولی وزیراعظم قرار دیا۔
انہوں نے اسرائیلی ووٹرز پر زور دیا کہ وہ نیتن یاہو کو دوبارہ منتخب کریں تاکہ دونوں ممالک کی شروع کردہ کارروائیوں کو مکمل کیا جا سکے۔
یہ ایک ہفتے کے دوران ٹرمپ کی جانب سے نیتن یاہو کی حمایت میں دوسرا عوامی بیان ہے، جو اسرائیلی پارلیمانی انتخابات سے قبل سامنے آیا ہے۔
