- سونے کی عالمی اور مقامی مارکیٹوں میں قیمت میں آج مسلسل دوسرے دن اضافہ ریکارڈ ہوا ہے۔
بین الاقوامی بلین مارکیٹ میں فی اونس سونے کی قیمت مزید 11 ڈالر کے اضافے سے 4 ہزار 195 ڈالر کی سطح پر آگئی۔
عالمی مارکیٹ کے زیر اثر مقامی صرافہ مارکیٹوں میں بھی ہفتے کے روز فی تولہ سونے کی قیمت ایک ہزار 100 روپے کے اضافے سے 4 لاکھ 42 ہزار 36 روپے کی سطح پر آگئی۔
اسی طرح فی 10 گرام سونے کی قیمت 943 روپے کے اضافے سے 3 لاکھ 78 ہزار 974 روپے کی سطح پر آگئی۔
عالمی مارکیٹ میں فی اونس چاندی کی قیمت 43 سینٹس کے اضافے سے 60 ڈالر 77 سینٹس کی سطح پر آنے کے باعث مقامی صرافہ مارکیٹوں میں بھی فی تولہ چاندی کی قیمت بڑھ گئی۔
ملک بھر کی صرافہ مارکیٹوں میں چاندی کی فی تولہ قیمت 43 روپے کے اضافے سے 6 ہزار 555 روپے اور فی 10 گرام چاندی کی قیمت 37 روپے کے اضافے سے 5 ہزار 619 روپے کی سطح پر آگئی۔
