بجلی کی قیمت میں ایک روپے 11 پیسے فی یونٹ اضافہ
بجلی صارفین کے لیے بری خبر، نیپرا نے اگست کی فیول ایڈجسٹمنٹ کی مد میں بجلی کی قیمت میں ایک روپے 11 پیسے فی یونٹ اضافے کا نوٹیفکیشن جاری کردیا۔
نیپرا کے مطابق اضافے کا اطلاق کے الیکٹرک سمیت ملک بھر کے صارفین پر ہوگا، جبکہ اضافی رقم اکتوبر کے بجلی بلوں میں وصول کی جائے گی۔
اگست کی فیول ایڈجسٹمنٹ کے تحت صارفین پر مجموعی طور پر 19 ارب روپے کا اضافی بوجھ منتقل ہوگا۔
نیپرا کے مطابق لائف لائن صارفین پر ایک روپے 11 پیسے فی یونٹ اضافے کا اطلاق نہیں ہوگا۔
