وزیراعلیٰ پنجاب مریم نواز کے شوہر کیپٹن (ر) صفدر نے کہا ہےکہ میاں بیوی میں جھگڑے پر منانے کی پیشرفت مریم کی طرف سے ہی ہوتی ہے۔
کیپٹن (ر) صفدر: مریم نواز سے رشتہ حکم کا نہیں، ادب اور احترام کا ہے
کیپٹن (ر) صفدر نے ایک یوٹیوب چینل کو انٹرویو دیتے ہوئے اپنی اہلیہ اور وزیراعلیٰ پنجاب مریم نواز کے ساتھ تعلقات سمیت مختلف سیاسی اور ذاتی معاملات پر گفتگو کی۔
انہوں نے کہا کہ وہ مریم نواز پر حکم نہیں چلاتے بلکہ دونوں کے درمیان ادب، احترام اور عزت کا رشتہ ہے۔ کیپٹن (ر) صفدر کے مطابق ان کی شادی کو 35 سال ہوچکے ہیں اور ان کے تین بچے اور نواسے بھی ہیں۔
کابینہ کا حصہ نہ بننے سے متعلق سوال پر انہوں نے دلچسپ انداز میں کہا کہ جب وزیراعلیٰ مریم نواز آتی ہیں تو سب کو احتراماً کھڑا ہونا پڑتا ہے، اس لیے وہ کابینہ میں شامل نہیں ہوئے۔
مریم نواز سے گھریلو اختلافات کے حوالے سے کیپٹن (ر) صفدر نے کہا کہ معمولی نوعیت کے جھگڑے ہوتے رہتے ہیں اور ایسے معاملات میں عموماً مریم نواز ہی پہل کرکے بات آگے بڑھاتی ہیں۔
انہوں نے بتایا کہ گھر میں میٹھا آنے پر مریم نواز انہیں زیادہ میٹھا کھانے سے روکتی ہیں اور کہتی ہیں کہ طبیعت خراب ہوجائے گی۔
