نیتن یاہو اچانک ابوظہبی پہنچ گئے، اماراتی صدر سے ملاقات کی: برطانوی میڈیا

نیتن یاہو کا خفیہ دورۂ امارات، شیخ محمد بن زاید سے ملاقات کا دعویٰ

برطانوی خبر ایجنسی کے مطابق اسرائیلی وزیراعظم نیتن یاہو نے خفیہ طور پر متحدہ عرب امارات کا دورہ کیا اور ابوظہبی میں اماراتی صدر شیخ محمد بن زاید سے ملاقات کی۔

ایک سینئر اسرائیلی عہدیدار نے ملاقات کی تصدیق کی ہے، تاہم اسرائیلی وزیراعظم کے دفتر اور اماراتی وزارت خارجہ نے تاحال باضابطہ تصدیق نہیں کی۔

اسرائیلی میڈیا کے مطابق نیتن یاہو نجی طیارے سے ابوظہبی پہنچے اور تقریباً ایک روز قیام کے بعد واپس اسرائیل روانہ ہوگئے۔

ملاقات کے ایجنڈے اور گفتگو کی تفصیلات سامنے نہیں آئیں۔ دونوں ممالک نے 2020 میں ابراہم معاہدوں کے تحت سفارتی تعلقات قائم کیے تھے۔