خیبر پختونخوا میں گورنر راج کی مشاورت، فیصل کریم کنڈی کا بیان
گورنر خیبر پختونخوا فیصل کریم کنڈی نے کہا ہے کہ صوبے میں گورنر راج کے نفاذ کے لیے مشاورت ہوئی ہے اور آئین میں اس کی گنجائش موجود ہے۔
پشاور میں میڈیا سے گفتگو کرتے ہوئے انہوں نے پی ٹی آئی کے 27 ستمبر کے اسلام آباد لانگ مارچ پر بھی بات کی اور دعویٰ کیا کہ پارٹی کی مارچ کے لیے تیاری مکمل نہیں۔ انہوں نے یہ بھی کہا کہ ممکن ہے پی ٹی آئی آج یا کل لانگ مارچ ختم کرنے کا اعلان کرے۔
فیصل کریم کنڈی نے خیبر پختونخوا میں امن و امان، کرپشن اور دہشت گردی کی صورتحال پر بھی تشویش کا اظہار کیا۔ انہوں نے صوبائی حکومت کے مجوزہ پولیس ایکٹ پر اعتراض کرتے ہوئے کہا کہ حکومت پولیس کے انتظامی معاملات میں اپنا اختیار بڑھانا چاہتی ہے اور وہ ایسے قانون کے خلاف اپنا کردار ادا کریں گے۔
