ماسکو: روسی وزارتِ دفاع کا دعویٰ ہے کہ روسی فوج نے رات کے دوران یوکرین کی دفاعی صنعتی تنصیبات، توانائی مراکز اور لاجسٹک ہبز کو ڈرون حملوں میں نشانہ بنایا۔
روسی وزارتِ دفاع کے مطابق کیف، کیف ریجن اور اودیسا میں ڈرونز کے پرزہ جات، فوجی سامان اور لاجسٹک مراکز سے متعلق تنصیبات کو نشانہ بنایا گیا۔
دوسری جانب یوکرینی حکام کے مطابق روسی حملوں سے کیف اور مختلف علاقوں میں شہری و بنیادی ڈھانچے کی تنصیبات کو نقصان پہنچا، جبکہ بعض مقامات پر آگ لگنے کی اطلاعات ہیں۔
یوکرینی حکام کے مطابق گوداموں، پٹرول اسٹیشنز، ٹرانسپورٹ اور پیداواری مراکز بھی متاثر ہوئے۔
روسی اور یوکرینی حکام کے دعوے ایک دوسرے سے مختلف ہیں۔
کیف: یوکرینی حکام کے مطابق روسی حملوں کے بعد کیف، سومی اور خارکوف ریجنز میں بجلی کی فراہمی متاثر ہوئی۔
خارکوف کے شہر ایزیوم میں بھی بجلی کی جزوی بندش کی اطلاع، جبکہ جنوبی اودیسا ریجن میں بڑے پیمانے پر آگ لگنے کی اطلاعات ہیں۔
یوکرینی حکام کے مطابق اودیسا میں متعدد گوداموں کو نقصان پہنچا، آگ بجھانے کے لیے نیکولائیف ریجن سے بھی فائر فائٹرز طلب کیے گئے۔
یوکرینی وزارتِ توانائی: زاپوروزیے اور ڈونیٹسک کے بعض علاقوں میں بھی بجلی کی بندش کی اطلاعات ہیں۔
واضح رہے: روسی حملوں کے دعووں اور نقصانات کی اطلاعات کی آزادانہ طور پر فوری مکمل تصدیق ممکن نہیں۔
