لاہور: پاکستان کے لیگ اسپنر ابرار احمد پہلی بار آئی سی سی ٹی ٹوئنٹی بولرز رینکنگ میں نمبر ون بن گئے۔
افغانستان کے راشد خان ایک ریٹنگ پوائنٹ کے فرق سے دوسرے نمبر پر چلے گئے، وہ گزشتہ 6 ماہ سے ٹاپ پوزیشن پر تھے۔
ابرار احمد ٹی ٹوئنٹی بولنگ رینکنگ میں نمبر ون بننے والے پاکستان کے پانچویں بولر ہیں۔
پاکستان کے صاحبزادہ فرحان ٹی ٹوئنٹی بیٹرز رینکنگ میں تیسری پوزیشن پر برقرار، جبکہ محمد نواز بولرز میں آٹھویں نمبر پر موجود ہیں۔
انگلینڈ کے جیمی اوورٹن 47 درجے ترقی کے ساتھ کیریئر کی بہترین چھٹی پوزیشن پر پہنچ گئے۔
