یکم جولائی 2027 سے گیس کا یکساں ٹیرف نافذ کرنے کی تیاری
وزارتِ توانائی نے یکم جولائی 2027 سے ملک میں یکساں گیس ٹیرف نافذ کرنے کے لیے آئی ایم ایف سے منظوری لینے کا فیصلہ کیا ہے۔
مجوزہ اصلاحات کے تحت گیس کے موجودہ 12 سلیبز ختم کرکے صارفین کو بتدریج تقریباً 1,708 روپے فی ایم ایم بی ٹی یو کے اوسط یکساں ٹیرف کی طرف منتقل کیا جائے گا۔
حکومت کو کراس سبسڈی ختم کرنے کے لیے کم آمدن والے گھرانوں کو براہِ راست مالی مدد دینے کی غرض سے تقریباً 162 ارب روپے مختص کرنا ہوں گے۔
نئی تجویز کے مطابق گیس پر ریلیف کا معیار کھپت کے بجائے گھریلو آمدن ہوگی اور مستحق صارفین کو بے نظیر انکم سپورٹ پروگرام کے ذریعے مالی معاونت فراہم کی جا سکتی ہے۔
نئی پالیسی سے گھریلو صارفین کے گیس بلوں میں اضافے جبکہ صنعتی اور تجارتی شعبے کے لیے نرخوں میں کمی کا امکان ظاہر کیا گیا ہے۔
