امریکا اور ایران کے درمیان بالواسطہ مذاکرات کا ایک اور دور آج متوقع
امریکی نیوز پورٹل ایگزیوس کے مطابق امریکا اور ایران کے درمیان بالواسطہ مذاکرات کا ایک اور دور آج ہونے کا امکان ہے۔
رپورٹ کے مطابق قطر ثالثی کی کوششیں جاری رکھے ہوئے ہے اور قطری ثالث آج ایرانی وزیر خارجہ عباس عراقچی اور امریکی صدر کے خصوصی مندوب اسٹیو وٹکوف سے الگ الگ ملاقات کریں گے۔
تاہم دونوں ممالک کے درمیان اہم معاملات پر اختلافات برقرار ہیں اور یہ واضح نہیں کہ مذاکرات میں کوئی معاہدہ طے پا سکے گا یا نہیں۔
ایرانی وزیر خارجہ عباس عراقچی نے کہا ہے کہ ایران حقیقی سفارت کاری کے لیے تیار ہے، جبکہ آبنائے ہرمز کو دوبارہ کھولنے سے متعلق ایرانی مؤقف بھی واضح ہے۔
دوسری جانب امریکی صدر ڈونلڈ ٹرمپ نے ایرانی تجویز کو ناقابلِ قبول قرار دیتے ہوئے کہا ہے کہ امریکا اور ایران کے درمیان معاہدہ ہونا چاہیے۔
