خیبرپختونخوا کے حالات بہتر کرنا ہوں گے، گورنر راج ہو یا نہ ہو: اختیار ولی
وزیراعظم کے کوآرڈینیٹر برائے اطلاعات اختیار ولی خان نے کہا ہے کہ خیبرپختونخوا میں گورنر راج لگے یا نہ لگے، صوبے کے حالات بہتر کرنا ضروری ہیں۔
پریس کانفرنس میں انہوں نے خیبرپختونخوا کی امن و امان اور منشیات کی صورتحال پر تشویش کا اظہار کرتے ہوئے کہا کہ صوبے میں امن و امان کی صورتحال بہتر بنانے کے لیے عملی اقدامات کی ضرورت ہے۔
اختیار ولی خان نے کہا کہ گورنر راج ایک آپشن ہوسکتا ہے، تاہم اصل مقصد صوبے کے حالات کو بہتر بنانا ہے۔
دوسری جانب ثمر بلور نے خیبرپختونخوا حکومت پر منشیات کے پھیلاؤ سے متعلق الزامات عائد کیے۔ ان کا کہنا تھا کہ صرف پشاور سے 960 کلوگرام منشیات پکڑی گئی ہیں۔
